|
| 隔左半年冇寫野lu,自從用左facebook都冇乜左上xanga,今晚無聊上一上黎寫下野
今日清假, 原本諗住放假訓晏d,但都話係辛苦命, 放假冇約人就會早起身, 一起身又冇乜野做,睇下報紙,之後又上番張床諗住再訓一陣,點知都係訓唔著,咁就攪下d 教會野又讀下經咁la.見個天咁好,諗住下畫去游水.
食完飯搵齊泳褲,鏡,先陪個失業fd 食m記再去游水,行到去九龍仔諗住3點鐘,游個幾鐘夠晒la,一路行個太陽出晒黎,諗住正la,夠曬又熱,游都爽d.點知行到去竟然維修,真係灰爆,唯有行去九龍城食tea,就回家sleep la......
咁就一日, 明天又要工作
| | |
| 今日年廿九, 同教會的弟兄姊妹去左我十幾年冇去過既海洋公園 .我自從小學之後都冇去過, 我去果時海洋館只係開左第一層.
今日一朝去到, 一開始我地已經玩機動遊戲,
玩左滑浪飛船(呢個以前玩過 ),天氣咁涷仲要濕身真係幾難頂.
太空摩天輪, 呢個冇乜特別
越壙飛車, 未玩之前, 個個都話呢個好激,但可能我有左心理準備,所以冇而覺得唔係好勁, 係果三野斜落好快,但未去到好驚.
跳樓機, 我玩對住海果面,呢個快升果下仲驚過佢落.佢落果時頭半秒都好驚,但之後已經慣左free falling
速度, 但佢跌落黎果野真係唔知係幾時,好突然
海盜船, 坐左最後一排邊位, 只係不斷大叫(但其實玩乜都係keep 住大叫, 唔好玩都會大叫, 除左跳樓機, 真係太快, 未儲氣,叫唔出)細過覺得架船好大架, 而家覺得好細.
過山車, 細過冇玩過, 而家終於玩到, 都ok
之後食野, 再之後就行館, 終於去到海洋館, 好好睇, 仲見到工作人員餵魚.美中不足係冇左鯊魚館, 因變左中華尋, 但尋館又唔開放...
之後又覽車, 再睇埋國寶, 國寶真係除左食同訓都冇其他野睇, 一種好食懶非的動物.
又唔知下次再去係幾時la, 但真係好開心
| | |
| 又呢一篇月記...
工作上, 岩岩完左深水埗的survey,又番番tst, 心情輕鬆. 又話經濟差,下年加人工又唔太樂觀, 算吧La,經濟好又唔會加得多,經濟差都未到己經講先, 這就是香港!!!都係要靠自已, 所以呢期股市中的有入番d 貨, 放幾年我信會有盈利, 收下股息好過放响銀行.
計劃下年讀埋個"食屎"學位,完結我之前訂下既學歷目標.以前諗住出來做兩年後番去讀part-time,但出到黎做野又發覺再讀engine又好似有點兒浪費金錢時間, 所以之後便不了了之. 前排同上司傾計,又傾開進修話題, 佢都明白(佢都係咁諗)再讀engine 真係有點無謂,讀d新野仲好d,所以提議我讀facilities management.搵下資料睇下都覺得唔錯, 又係時候進修呀~~~~~
今日去左做物理治療, 原因係左腳滕頭勞損. 多年既運動量, 再加上扁平足(我都唔知), 令我勞損程度比正常人快左十年. 好彩係初期.玩下針炎, 要練四頭肌.就可以再玩落下, 如果唔係,我估30嵗時已經可以退休la ( 係運動生涯退休).
十二月請左大假去半個月泰國, 期待著...
| | |
| 原來已經冇打xanga成個月, 都差不多遺忘了.
今日國慶假期,晨早同d 弟兄去左睇'20世紀少年' ,其實我冇睇過漫畫,事前都冇乜留意過呢套戲既預告. 只係有戲就睇既心態去睇.但都睇得幾投入,戲中既小妹妹十分得意(我唔係aken,我冇戀童癖呀)仲有個靚女, 原來就係常盤貴子,出道咁耐仲係咁靚. 講番套戲, 劇情都唔錯,對我呢個冇睇漫畫既人來講都知佢講乜,只係最尾有點爛,但d人話係跟番原著&其實仲未完.得閒都睇番漫畫先.
講起漫畫,不得不提我近期上網狂煲的'古惑仔', 即係電影入面伊健變左浩南哥果套. 以前我都唔明d人咁鐘意睇,究竟打打殺殺有d 咸濕野真係咁好睇咩?睇後發覺真係好好睇,並唔係咸濕野好睇.(佢d咸濕野隨時小過黃玉朗d漫畫)係佢d畫功原來唔差,仲幾好潻,對白又幾好笑,打鬥場面動作都安排不錯,再加上講古惑仔都係人都係利字當頭,又幾真實,最誇都只係成日可以o係條街開band.真係唔錯.
'不作完人, 便為禽獸' - 神人車寶山 <-好鐘意呢個角色.陳浩南只係一個契弟.
安排工作又有新攪作,去左深水埗中電做冷氣野, 今個星期返中更. 但玩多個多星期又完lu. 算吧la, 我個人都係懶人一個, 一冇野做又話悶,有又唔想做.都係快d 退休都又出黎做下part time 好呀.
| | |
| 禽日大家已經講緊打風唔洗番工,果然一打就去到9號.又多左日假比我訓晏D. 禽晚仲同阿邦去左黃埔博藝會打網球, 原來入面仲有按摩池,去左幾多次都唔知.
岩岩睇完"地心探險記", 雖然個半鐘,但全無悶場,快入正題,女角又正,幾好睇.我相信3D 版仲好睇
上星期六去左石澳,曬到個背而家甩皮好鬼痕,快D 好番LA.
| | |
|
